Ballal Fondation Ceerno Wolle Njaay Suukara Koorka 2024.
No o seeraani e waɗde, ɗum ko ngam naftude juulɓe e nguun ngalu ngu Allah luɓorimo, ballal Alh Abdullaahi Wolle Njaay Suukara Koorka, yettiima hannde ɓesnguuji Komin mbo Madiina Gunaas, tawi ɗum waɗi ko e gardagol Alh Abuu Njaay.
Madiina Gunaas heɓii ballal timmungal suukara koorka, tawi ko galle e galle, ina wondi e geɗe jaadooje heen. Ngaal ballal ina toɗɗii Almameeɓe kam e salliiji, o yejjitaani sehilaaɓe kam e musiɗɓe wuurdanooɓe, ko noon ɓeen jannginooɓe Al Quraana e wuro ngo keɓiri ballal tawi ko ina tolnoo e 300 jannginoowi ndakmitiima heen.
Ko hesɗi heen koo hikka, ko ɗeen gure 33 taweteeɗe e komin mbo Madiina Gunaas keɓii e ngaal ballal, kamɓe kala ɓe kollirii heen weltaare maɓɓe, refti ɓe nduwiima. E wi’de Alh Abuu Njaay faandaare nde ko Allah Ɓolo, ɗaɓɓaa heen tan ko nde juulɓe ɓee kawrata ngam semmbe heɓee, haa ɗee geɗe njokka.
Ɗaahaa Muusaa Bah
Foto Tijjaani Tuure
