Sete Fondation Ceerno Wolle Njaay e gardagol Alh Abuu Njaay wayniima Madiina Gunaas, ɗum ko e oo Aset 17 lewru 02/2024, e gardagol Alh Abuu Njaay, tawi oon Sete ina soomi ko ina ɓura capanɗe nayi neɗɗo, gila e jaaynooɓe haa e woɗɓe limtinɓe. Faandaare nguu njillu ko yettoyaade woon e Golleeji Fondation Ceerno Wolle Njaay e nder palɗe keewɗe e nder Senegaal ina heen diiwanuuji Tammbaa e Maatam, kono ina soomi e ko immini lappol ngol udditoyde won e Golleeji timmuɗi.
Nde waynaa Madiina Gunaas saanga waktuuji 11h alaa ɗo huccanaa so wonaa Tammbaa Kunndaa, caggal nde wonaa ɗoon Daawal juutngal, ko ndeen raaŋanaa Gudiiri, yettaa e wuro Gudiiri Fulɓe ko saanga waktuuji 16h, ɗo tawaa jaɓɓungal mawngal sanne, hollirɓe mbelemma mum en e garal ngal, ko jonnde juutnde feŋi ɗoon, jaarnuɓe Fondation e ngaal dokkal Fooraas keɓingal e ballal Alh Abdullaahi Wolle Njaay, heewɓe ɓamii konngi e ndeen jonnde, Meer Komin mbo Kusaa oo ƴettii Fondation oo e darnde mum laaɓtunde, Alh Abuu Njaay ɓamiino konngol toŋngungol ndeen jonnde.
Ko caggal mum hirndaa ɗoon e Gudiiri Wuro, ɗum ko caggal juulal futuru, joftaama e wuro Siñcu Demmba, ko ɗoo Sete oo waali, haa janngo yawtanee Feto ñebbe, caggal mum joftoytee janngo to Aynumadi Ɓunndu, ɓunndi ina holli weltaare mum e ɗeen golle Wolle.
Ɗaahaa Muusaa Bah.
Yero Gise.
Tijjaani Tuure.
Umaar Bah.
