Ñalawma ɗimmo e nguun njillu Alh Abuu Njaay e gure gonɗe he Daande Maayo ɗe.
Ko sete teskinɗo waynii e oo subaka hannde ɗoo e Madiina Gunaas, e gardagol Alh Abuu Njaay ɗum ko ngam tiindaade Faas Subalɓe Funnaage wuro ngoo, ko wooto e gure jiyaaɗo Allah oo hono Ceerno Mawɗo. Faas ina jeyaa e ɗeen gure gonɗe e Daande Maayo ngoo, loriiɗe e ɗaam ilam, sabu caggal nde maayo ngoo ƴeri ko heewi e gese maɓɓe nana e ndiyam.
Setee oo yettii Faas Subalɓe ko saanga waktuuji 12h. Caggal salminoyde galle Ceerno, Alh Abuu Njaay anndinii Faandaare lappol ngol, ko arde renndude e maɓɓe ndeen saɗeende ndeɓe nguuri. Ko caggal mum lappol ngol yaaɓani to ndiiyam ɗam woni too. Nganndinen noon caggal ilam ɗam, hannde ko ndiyam lommbii hakkunde gese ɗee e wuro ngoo, ko ina tolnoo e kilooji 5 in ɓilii ɗoon.
Alh Abuu Njaay nde yettii e ndiyam ɗam, ko he laana o joli, ngam yiyde tolno Ndiyan pali ɗam hakkunde maɓɓe e gese ɗee. Tawi kadi ɗaam ndiyam nana lattinii e ɗeen gese. Ɓesnguuji ɗii kollii weltaare mum en e garal makko, sabu o hollirii omo wondi e maɓɓe e kala ko waawi jolde. Alh Abuu Njaay noon yettinii konngol Alh Abuu Njaay feewde e maɓɓe, kam e wondinaadeɓe.
Caggal jokkere Enɗam e nder wuro Faas ngoo, njillu nguu joofiri ko yillaade Jumaa Faas, mbo Fondation Thierno Wolle Njaay Golli, tawi golle ɗee timmii, heddii tan ko waɗtee e juuɗe maɓɓe. Alh Abuu Njaay huccinii konnguɗi wasiya e ɓesnguuji ɗii, nde ndarotoo e toppitaade Jumaa kaa, mbele ko gollaa koo ina hisa, sabu ko ngalu keewngu waɗaa heen.
Ɗaahaa Muusaa Bah
Nate Tijjaani Tuure.
