JOKKOL NJILLU FONDATION CEERNO WOLLE NJAAY E NDER ƁUNNDU.
Caggal nde finaa e wuro Siñcu Demmba e oo Alet 18 lewru ndu, Sete Fondation Ceerno Wolle Njaay mbo ardii Alhajji Abuu Njaay yillima nokku oon Fooraas mbo ɓe ngoni e gollaneede. Nde waynaa ɗoon rewaama e nokku Supperefe Boyngel, tawi ñiiɓirde nde woni ko e Gudiiri, Meere komin mbo Kusaŋ ina tawaa ngool jettagol ɗoon. Caggal mum lappol ngol tiindanii ko wuro Ceeke sete oo yilliima e oon Fooraas mbo ɓe ngoni e gollude, tawi ko jokkitaneede mbo ɓe njiɗi.
Nde yettaa Feto ñebbe ko jaɓɓungal mawngal sanne ɓe njaɓɓii, kamɓe finooɓe e ngoon wuro. Tawi ko ɓe heɓɓe Fooraas e ballal Fondation Ceerno Wolle Njaay, ɓe kollirii weltaare maɓɓe e Alh Abdullaahi Wolle Njaay, e ɗuum ko o waɗaniɓe, Sete oo heɓiino yillaade ɗo Fooraas oo woni e golleede ɗoo, ko ɗoon e Feto Ñebbe ñallaa.
Ko saanga waktuuji 17h Sete oo yettii e Aynumadi Ɓunndu, Caggal yillaade duɗal Al Quraana taweteengal ɗoon, huccanaa ko galle Ceerno. Tawi ko waktu takkusaan oo heedii, caggal mum jooɗodaama e Khaliifa oo Ceerno Hammee Jallo, ko ɗoo Sete oo waali hannde ngam hawrude e oon Siyaara Ceerno Aamadu Ɗaayifa Jallo, jogorɗo waɗde janngo.Caggal mum jaɓɓaama e wuro ngo Ceerno Jalaaluddiine Bah nelaaɗo Khaliifa oo, ngam ardaade Siyaara oo hikka. Caggal Siyaara oo Maa lappol ngol jokku.
Ɗaahaa Muusaa Bah
Yero Gise
Tijjaani Tuure
Umaar Bah
